Agge: Agge Kanno Suri, na kabhakko baa Ittobiya gɔra kɛ̀nkɛnuny. Na kanno bhorinya sizzi, Chay, Tirmaga ko Bale. Na Chay komortɛna gɛ a sizzi. Dolote ko Ɛkkɛdhi ko Hallagamɛri. Na komoruya chay mɛa toye a Dolote. Na yɔk komortɛna Tirmaga a hayna. Bologidhangi, Olezogi, Olesirwa, Bebhbhala ko Olinyamɛri. Na na lɔmma Tirmaga mɛa toye a Bologidhangi. Na ga Balesi ko yɔk a hayna sɛgɛn. Dalala, Mirolinggo, Mahɔli, Siryali ko Wosi. Na ga lɔmmɛa Bale mɛa toye a ramman. Dalala ko Mirolinggo. Na komortɛna lɔmmɛa Suri mɛa toye bhooy a wush. Na Chay a Dolote. Na Tirmaga a Bologidhangi. Ga Balesi a Dalala ko Mirolinggo. Na agge kanno zuga kiwoo beo na kɔɔhinɛno.
Na ngaya a bhɛa ɛlɛa lɔga gayo. Na lɔkte kemesso aggeu na kojjo toye ngayaye a lɔga kera Suri ko kàbinyaa gɛ ko kamamannanynya ko dadabinyaa timirtiny ko lɔga kòrro ke silminya ko ga kìshirarra ko dadabinyaa lɔga :Tumu ko ga kàmaragɛa tugɔ ko lɔga bidɛlinyaa :Suri ko hotonya ko aha gena.
![](/sites/www.suriethiopia.com/files/styles/medium/public/8201694987_29b4a20987_b.jpg?itok=T0i430ge)
Ngagiya a Chay
![](/sites/www.suriethiopia.com/files/styles/medium/public/46010648361_6debb7ac94.jpg?itok=UbXJGR_f)
Ngagiya a Tirmaga
![](/sites/www.suriethiopia.com/files/styles/very_large/public/index.jpeg?itok=RPmli-7d)
Ngagiya a Bale